الشاكوش

من طرف بابكر أحمد عوض السيد 2009-03-15, 01:35

ماهو الشاكوش ؟

هنالك تعريفان تعريف مادي وتعريف معنوى ، التعريف المادى بيقول الشاكوش هو عبارة عن كتلة من الحديد او الخشب او البلاستيك ذوشكل معين متعدد الاستخدام يكون فى خدمة البشرية ولا يضر بها0
التعريف المعنوي هو فجوه عاطفية تحدث حينما يتخلى الشاب عن محبوبته، وهذا نادر الحدوث او أن تتخلى الشابة عن من يحبها وهذا شائع الحدوث ، وهذا الاخير مضر جداً جداً بالبشرية0

اذكر أنواعه ؟

نوع يابانى ونوع صينى ونوع مصرى تقليد
((الشاكوش ياهو الشاكوش على حسب التعريف المعنوي لة وهو كما ذكرتة اعلاه0))size]

[size=16]ما مدي تأثيره علي الشباب ؟
قلنا على الشاب ولم نقل على الشابة لان الشابات لا يتاثرن بالشواكيش حتى ولو كان السبب فيه الشاب لانها دوماً يكون لديها البديل 0 اما تاثيره على الشباب يكون فشل اكاديمى اذا كان المشوكش طالب وتسيب وظيفى اذا كان موظف واهمال مهنى اذا كان عامل وكاتب الشعر والرسم اذا كان عاطل 0 اضف الى ذلك انطوائية عن المجتمع وقد يصل الى تعاطى الكحول والمخدرات وادمان التبغ بانواعه الجافه والرطبه0

ومن هو المبادر به البنت ام الولد ؟
اكيد طبعاً البنت لان طموحها لا يقف عند تلبيتك لمطالبها فهى مثل البحر دوماً تطمع فى المزيد ولا يوجد سقف لطموحها الهدام اضف الى ذلك المنافسة الشديدة فى وسط البنات وكل واحدة تريد أن تكون افضل من الثانية ( ولا اعرف سبب لهذه المنافسة(0
اكثر اسباب ومسببات الشاكوش ؟
من الاسباب هى أن تحب بنت قريبة من عمرك ..ان تكون طالباً.. أن تكون ذو دخل بسيط ..ان تكون خريج يبحث عن عمل.. وبهذا تدخل تحت مظلة العطالة 0 الواحد يحب البنت من وهم فى الثانوى الى أن يصلا إلى السنة الاخيرة فى الجامعة تسمع ان احد المغتربين قد سرق احلامة وتقدم طالباً الزواج من محبوبته، وهنا تظهر حقيقة المشاعر الزييييييييف وتاتيك الفتاة مرتدية ثوب الحمل الوديع متقمصة شخصية كبش الفداء ودموع التماسيح تسبق خطواتها لتقول لك: ( ابوى جبرنى وامي قالت لى لو ما عرستيه ما عافىِ عنك واخوى قال لى وافقي عليهو علشان يجيب لى عقد عمل او يشترى لى حافلة ، وانا ما عارفة اعمل شنو وبفكر انتحر )0 طبعاً وبفكر انتحر دى تقولها ليك وهى تسترق النظر لملامحك لكى تعرف ردة فعلك ومدى تاثير هذه العبارة عليك وحتى تعرف هل هى اجادت الدور ام الامر يحتاج منها لتمثيلية اخرى

كلام في كلام يا.........!!و

من طرف omdoum 2009-03-16, 02:28

كلام يا عوض دكـــــــــــــام
الناس قالت شنــــــــــــــو عن الشاكوش
انزل تحت واقري بس اعمل حسابك من الشاكوش
والشكر موصول لي الاخ الكركاجي ابن الجريف الشقيقة صاحب الموضوع

هوووووووووووووووي ياناس
سلام وتاني سلام
اجمعو سريع سريع
والله عندنا حالات مستعجلة خلاص
ناس في مستشفيات ناس مزهللين - ناس مصدومين ناس في الشوارع لافة لا حولا ولاقوه الا بالله
ولأنو أخوكم تفتيحة وكدا وشايل هم جميع ناس مغلوبيين وما قدرو يتعاملو مع الهجمه المرتده الكويس فيكم تب والعندو اعصاب بكلم روحو
غايتو جنس حالة
نحاول بقدر الامكان نعالج ما تجود به افكارنا ولو غلبنا نحولا لى مكان تانى بعد ما نشوف
شنو السبب ياجماعة ليه الحالات دي؟
وانتو تورونا الاسباب !وعلى حسب علمى
قالو اكبر سبب هو الشواكيش
دا غير الاسباب الأخرى الجانبية
اها
ياجماعة ونسبة لأنو اخوكم قلبوا رهيف وكدا<ولومامصدقين اسألوا ناس
التجانى الماحى قسم الامراض العصبيه والانزلاق الوجدانى دا تخصصنا>
ونسبة
لنجاح تجربتي مع الأخ ( الطفشان بى عدلو> في اعادة البسمة لشفاهه
التعبة بعد رفع معنوياته ولو بالكذب (كذبة بيضا ذات هدف نبيل)
فا
أحيانا أخبره ان فلانة الحلوة ديك ياخي تسال منه وتاني اقول ليه ياخي
مامشكلة ما برضو ابواحمد داك اخذ شاكوش زي شاكوشك (مع انه شاكوشه حار جدا)
المهم شوية شوية لمن ترجع ليه البسمة
قررت انا وبقية الاعضاء تكوين دار تحت اسم ( الموااساة وتخفيف أضرار الشاكوش )
هذا
ولأهمية الموضوع قررت اللجنة اجتماع عاجل فيالفيس بوك وتسجيل كافة
المشوكشين والتسجيل سري للغاية وعمل دراسة لكل حالة واعطائها الجرعة
اللازمة من رفع المعنويات
مثلا واحدة مشوكشة جديد ممكن نقول ليها (
والله وشك قريب وش هيفاء وهبي لكن الشوكشك ما بشوف بس ) وابو الشباب
المشوكش نقو ليه القروش ماكل حاجة هي البتندم حد لاقي راجل اليومين ديل
أها اجمعوا كلكم - مشوكشين -شمشارين - بايرين بايرات - الخ وخلونا نكون الدار دي
ولانو انا ماشمشار ولا مشوكش ببقىرئيس وملاحظ عام
ومن هسه وانا متاكدا فى واحد بسجل هنا
عمر كبير بجي بورينا انو الشاكوش مابأثر والواحد بعرس وبجيب اولاد كمان
وفي ناس كده محيرني بقروا في جامعات مامختلطه ومشوكشين...اها ياهناي دي كيييييييف؟؟؟
انحنا بنقترح انو الدار دي نضمها للجمعيات الخيريه لدعم المرضي والحالات المستعصيه نحولها التجاني الماحي.......

من طرف عمر محمد خيرالله 2009-05-20, 02:51

وأهلنا العرب بيقولو ليك مد رجليك قدر لحافك فعلا كلامك صحيح يجب على الانسان

ان يكون علاقة زوجية مع انسانة توافقه اجتماعيا وفكريا وكل شئ لكي يتدارك ويتحاشى أشياء

كثيرة يمكن تكون سبب في هدم عش الزوجية !!!!!!

البنت تكذب علي الولد والولد يوهم البنت وأكتر العلاقات دائماً فاشلة وبتكون نقص في علاقة عاطفية

بين الطرفين حيث يقضي الطرفين أوقاتهما ولكن عندما تأتي الحقيقة تجيك البنت بأعزارها أو يأتي الشاب

للبنت بأعزاره وتكون العلاقة مزيفة ولكنها في الحقيقة فيها نوع من الاعجاب من الاساس وليس الحب

فالحب الحقيقي يجب ان تحلق مع من تحب الى القمم وتتحدى الصعاب ............

مشكور اخي على الموضوع المميز

الشاكوش

الشاكوش

رد: الشاكوش

رد: الشاكوش